一開始睇，以為係一個賤人。
慢慢咁睇，原來係一個情人。
哈利波特，最吸引我既角色。當然係妙麗啦，yeah~妙麗耶~咳咳，應該係石內卜先啱。石內卜，作為一個mix，係我眼中，同安德尊依個mix係冇分別，mix?邊L到mix呀?睇過!?咁當然，係故事中既年代背景，樣貌並唔重要，更唔需要講package。所以佢可以一連7集都著住同一套衫,同一個髮型，可以稱得上係魔法界既老夫子。
但除左佢個形象最深入民心之外，最為人熟悉既，就係幫鄧不利多食死貓，但我地今日唔係想討論依個老野。而係佢對莉莉既個一份痴情。
係戲中，佢係一個痴漢，演活左石內卜一角。
係戲外，亦係一個痴漢，痴情既漢子。
係戲中，佢飾演既係一份可歌可泣既苦戀。
係戲外，佢上演既係一份羨煞旁人既相戀。
佢，專心一意咁同初戀女友相依50年，試問一下，19歲有幾多人仲係痴痴呆呆咁生活?但佢，係19歲開始初戀，一生中亦只有一個愛人，佢地雖然結婚只有3年，但唔需要婚姻都可以讓愛情保鮮半世紀，直至白髮謝幕，一段童話式既戀愛，又有幾多人能夠體會得到。
佢既一生，係戲裡戲外，都係一個大情聖。說明何謂「要懂得愛，先要懂得付出。」，多謝石內卜，Alan Rickman
Search